Anbar, reseptlər və maya dəyəri
Restoranın pulu ən çox anbarda itir: qalıq bilinmir, tədarükçüyə nə qədər borc olduğu dəftərdə qalır, xarab olan məhsul isə heç yerdə yazılmır. Anbar modulu bunların hamısını bir yerə yığır. Ən vacibi isə reseptlərdir: yeməyin hansı ingredientdən nə qədər getdiyini yazanda, maya dəyəri real alış qiymətindən özü hesablanır — və mənfəət hesabatı nəhayət doğru olur.
İndi başlaNə edir?
Bir neçə anbar
Mətbəx anbarı, bar anbarı, əsas anbar — hər biri ayrıca qalığı ilə. Hansı məhsulun harada olduğu həmişə bəllidir.
Qalıqlar
Hər məhsulun hər anbardakı qalığı canlı görünür. Axtarış sahəsi ilə uzun siyahıda saniyəyə tapırsınız.
Tədarükçülər və borc
Hər tədarükçü üçün nə alındığı və nə qədər borc qaldığı ayrıca izlənir. Ödəniş edəndə borc avtomatik azalır — dəftər saxlamağa ehtiyac qalmır.
Bazarlıqlar
Alış sənədi bir ekranda yığılır: hansı məhsul, nə qədər, hansı qiymətə, nə qədəri ödənilib. Qalıq və orta alış qiyməti həmin an yenilənir.
Anbarlar arası transfer
Əsas anbardan mətbəxə məhsul köçürəndə qeydlə yazılır. İki anbarın qalığı özü düzəlir, məhsul isə yolda “itmir”.
Səbəbli silinmələr
Xarab olan, sınan və ya işçi yeməyinə gedən məhsul səbəbi ilə silinir. Ay sonunda itkinin nə qədər olduğunu və nədən yarandığını görürsünüz.
Reseptlər
Yeməyin tərkibini yazırsınız — 200 qram ət, 150 qram kartof, 20 qram yağ. Sistem maya dəyərini anbardakı real qiymətdən hesablayır. Tədarükçü qiyməti qaldıranda yeməyin marjası dərhal dəyişir.
Tədarükçüyə ödənişlər
Hər ödəniş məbləği və qeydi ilə yazılır, cari borc həmişə göz önündədir.
Tez-tez verilən suallar
Resept qurmasam maya dəyərini yaza bilərəmmi?
Bəli. Hər məhsul üçün maya dəyərini əl ilə də yazmaq olar — mənfəət hesabatı yenə işləyir. Resept sadəcə bu rəqəmi avtomatik və həmişə güncəl saxlayır.
Neçə anbar yarada bilərəm?
İstədiyiniz qədər. Mətbəx, bar, əsas anbar — hər birinin qalığı ayrıca izlənir və aralarında transfer etmək olar.
Tədarükçü borclarını izləyirmi?
Bəli. Bazarlıqda ödənilməyən məbləğ borc kimi qalır, ödəniş etdikcə azalır və hər tədarükçünün cari borcu siyahıda görünür.
Restoranınızı bir platformadan idarə edin.
QR menyudan hesabatlara qədər — hamısı brauzerdə.
Digər xüsusiyyətlər
QR menyu
Müştəri masadan telefonuyla sifariş verir — tətbiq yükləmədən.
Mətbəx ekranı
Hər sex yalnız öz yeməyini görür, sifariş isə real vaxtda düşür.
Çek çapı
Termal çek, sex biletləri və pul çəkməcəsi — birbaşa brauzerdən.
Kassa
Növbə açılışı, mədaxil-məxaric və kəsir nəzarəti — hər gün dəqiq.
Hesabatlar
Gəlir deyil, mənfəət: maya dəyəri, marja və orta çek bir ekranda.
Menyu
Menyunu Excel-dən idxal edin, qiyməti bir ekrandan idarə edin.
Masalar
Bütün masaların statusu bir baxışda, real zal planı üzərində.
Əməkdaşlar
Rollar, PIN giriş və kim-haradan girdiyinin tam qeydi.