QR menyu və sifariş qəbulu

Kod skan olunanda sifariş avtomatik həmin masaya yazılır. Ofisiantın masa nömrəsini soruşmasına və ya yadda saxlamasına ehtiyac qalmır.

Sifarişi hələ ofisiant qəbul etsin istəyirsinizsə, QR-ı sifarişsiz rejimə keçirin: müştəri menyunu və qiymətləri görür, amma sifariş düyməsi görünmür.

Ofisiantın öz telefonu bir link vasitəsilə tam sifariş terminalına çevrilir — heç nə quraşdırmadan. Link sizin nəzarətinizdədir: bir kliklə yeniləyirsiniz və köhnəsi dərhal işdən düşür.

Özü ilə aparan müştəri üçün masa seçmək lazım deyil. Takeaway sifarişlər masalardan ayrı gedir, hesabatlarda isə eyni cür görünür.

Bir məhsulun bir neçə ölçüsü və növü olur — kiçik/böyük, isti/soyuq. Hər variantın öz qiyməti və öz maya dəyəri var, ona görə mənfəət hesabatı da variant səviyyəsində dəqiqdir.

Müştəri sonra bir qəhvə də istəyəndə yeni sifariş açmağa ehtiyac yoxdur. Əlavə eyni hesaba düşür və mətbəxdə ayrıca partiya kimi görünür ki, aşpaz nəyin təzə gəldiyini anlasın.

Müştəri başqa masaya keçəndə açıq sifariş bütün məhsulları ilə birlikdə köçürülür. Hesabı yenidən yığmaq lazım deyil.

Sifariş ləğv ediləndə səbəb seçilir — müştəri imtina etdi, səhv sifariş, məhsul yoxdur. Ay sonunda nə qədər və nə üçün itirdiyinizi görürsünüz.

Hesabı qonaq etmək lazım gələndə sifariş səbəbi yazılmaqla ödənişsiz bağlanır. Kassa hesabatında bu məbləğ satış kimi sayılmır.