Menyu idarəetməsi
Menyu dəyişəndə qiyməti üç yerdə düzəltmək lazım gəlmir: menyu bir yerdədir və QR menyu, satıcı terminalı, mətbəx ekranı eyni mənbədən oxuyur. Kateqoriyaları sürükləyib sıralayırsınız, məhsula şəkil qoyursunuz, mövsümi yeməyi silmədən gizlədirsiniz. Onsuz da Excel-də olan menyunu isə əl ilə köçürmək əvəzinə bir dəfəyə idxal edirsiniz.
İndi başlaNə edir?
Kateqoriyalar və sıralama
Kateqoriyaları və içindəki məhsulları sürükləməklə sıralayırsınız. Müştəri QR menyuda tam olaraq sizin qurduğunuz ardıcıllığı görür.
Şəkillər
Hər məhsula şəkil yükləyirsiniz. Şəkilli menyu daha çox satır, xüsusən yeni müştəri üçün.
Gizlətmə
Mövsümü bitən və ya müvəqqəti bitmiş yeməyi silmək lazım deyil — gizlədirsiniz. Menyudan çıxır, tarixçədə və hesabatlarda qalır.
Variantlar və marja
Bir məhsulun bir neçə variantı olur, hər birinin öz qiyməti və maya dəyəri var. Marja variant yazılan an ekranda hesablanır.
Excel-dən idxal
Hazır menyunu Excel faylından yükləyirsiniz. Sütun adları sərbəst yazıla bilər — sistem böyük-kiçik hərfi, Azərbaycan hərflərini və ingilis qarşılıqlarını özü tanıyır. İdxaldan əvvəl neçə məhsulun yeni, neçəsinin yenilənəcəyini göstərir.
Excel-ə ixrac
Menyunu istənilən an .xlsx faylı kimi yükləyib redaktə edə və geri idxal edə bilərsiniz.
Zibil qutusu
Səhvən silinən məhsul və kateqoriya birbaşa yox olmur — zibil qutusuna düşür və oradan qaytarıla bilir.
Məhsulun kopyalanması
Oxşar yeməyi sıfırdan yazmaq əvəzinə mövcud olanı kopyalayıb adını dəyişirsiniz.
Tez-tez verilən suallar
Mövcud menyumu necə köçürə bilərəm?
Excel faylı kimi idxal edin. Sütun adlarını dəqiq yazmaq şərt deyil — sistem “ad/name”, “qiymət/price” kimi qarşılıqları özü tanıyır.
Səhvən sildiyim məhsulu qaytara bilərəmmi?
Bəli. Silinən məhsul və kateqoriyalar zibil qutusuna düşür və oradan bərpa olunur.
Qiyməti dəyişəndə köhnə sifarişlər dəyişirmi?
Xeyr. Sifarişdəki qiymət satış anındakı qiymətdir və sonradan dəyişmir, ona görə keçmiş hesabatlar sabit qalır.
Restoranınızı bir platformadan idarə edin.
QR menyudan hesabatlara qədər — hamısı brauzerdə.
Digər xüsusiyyətlər
QR menyu
Müştəri masadan telefonuyla sifariş verir — tətbiq yükləmədən.
Mətbəx ekranı
Hər sex yalnız öz yeməyini görür, sifariş isə real vaxtda düşür.
Çek çapı
Termal çek, sex biletləri və pul çəkməcəsi — birbaşa brauzerdən.
Kassa
Növbə açılışı, mədaxil-məxaric və kəsir nəzarəti — hər gün dəqiq.
Hesabatlar
Gəlir deyil, mənfəət: maya dəyəri, marja və orta çek bir ekranda.
Anbar
Qalıqlar, tədarükçülər, reseptlər — maya dəyəri ingredientdən çıxır.
Masalar
Bütün masaların statusu bir baxışda, real zal planı üzərində.
Əməkdaşlar
Rollar, PIN giriş və kim-haradan girdiyinin tam qeydi.